المقدمة
كل مستثمر عنده هدف.
فيه اللي يبني محفظة على المدى الطويل، وفيه اللي يتابع فرص يومية، وفيه اللي يحتاج يفهم السوق قبل أي خطوة.
عشان كذا أطلقنا تحديثًا جديدًا في تطبيق دراية، يسهّل عليك متابعة الأخبار والتحليلات للسوق السعودي والأمريكي من داخل التطبيق.
وش الجديد في التحديث؟
التحديث يقدم لك:
- متابعة أخبار السوق الأمريكي داخل التطبيق
- تحليلات من Trading Central للسوق السعودي والسوق الأمريكي
- تحليل أساسي، نماذج كمية، وتحليل فني
- مساعد ذكاء اصطناعي يساعدك تفهم السهم\الشركة بطريقة أبسط
كيف أتابع أخبار السوق الأمريكي داخل التطبيق؟
تقدر تتابع أخبار السوق الأمريكي داخل تطبيق دراية عبر MT Newswires، مزود أخبار مالية عالمي.
تلقى الأخبار من:
الأسواق > الأخبار
وبتظهر لك حسب التصنيف:
- أهم الأخبار
- أخبار مرتبطة بقائمة المتابعة
- كل الأخبار
وتقدر بعد تدخل على صفحة السهم نفسه وتشوف الأخبار الخاصة بالشركة من:
صفحة السهم > الأخبار
شلون تفيدني أخبار السوق الأمريكي؟
خلنا نقول إنك تتابع سهم شركة أمريكية في قطاع التقنية.
نزل خبر إن الشركة أعلنت نتائجها المالية، أو وقّعت عقدًا جديدًا، أو عدّلت توقعاتها للفترة القادمة.
من صفحة السهم نفسها، تقدر تشوف الخبر وتربطه بحركة السهم بشكل أسرع.
كذا تفهم ليه السهم ارتفع، تراجع، أو صار عليه اهتمام.
وش هي تحليلات Trading Central؟
Trading Central توفر لك تحليلات تساعدك تقرأ السهم من أكثر من زاوية.
تشمل التحليلات:
- التحليل الأساسي
- النماذج الكمية
- التحليل الفني
- مساعد الذكاء الاصطناعي
والميزة تدعم أصولًا من السوق السعودي والسوق الأمريكي
وش يعني التحليل الأساسي؟
التحليل الأساسي يساعدك تفهم الشركة نفسها.
يعني تشوف مؤشرات مثل النمو، القيمة، الجودة، والزخم، وتقدر تقارن بين شركات داخل نفس القطاع بطريقة أوضح.
مثال:
سهم أ
نموه جيد، أرباحه تتحسن، وتقييمه التحليلي أعلى من متوسط القطاع.
سهم ب
نموه أبطأ، أرباحه متذبذبة، وتقييمه أقل من شركات مشابهة.
هنا التحليل الأساسي يساعدك تقرأ الفرق بين السهمين من ناحية أداء الشركة ومؤشراتها.
وش هي النماذج الكمية؟
النماذج الكمية تعطيك قراءة مبنية على بيانات ومعايير متعددة.
الفكرة إنها ترتب لك الأرقام بطريقة أسهل، وتساعدك تشوف أي سهم تظهر عليه مؤشرات أقوى حسب البيانات.
لو مثلا عندك سهمين:
سهم أ
أداؤه أفضل من السوق مؤخرًا، وزخمه قوي، وقراءته الكمية إيجابية.
سهم ب
أداؤه أضعف، وحركته أبطأ، وقراءته الكمية محايدة.
هنا النموذج الكمي يعطيك زاوية إضافية للمقارنة بين السهمين بشكل أسرع وأوضح.
كيف يساعدني التحليل الفني؟
التحليل الفني يساعدك تتابع حركة السهم على الرسم البياني.
تقدر تشوف أنماط وإشارات فنية محتملة، مثل اختراق مستوى معيّن، أو كسر مستوى دعم، أو بداية اتجاه صاعد أو هابط.
يعني خلنا نقول لو كان سهم أ يتحرك تحت مستوى معيّن لفترة، وبعدها اخترق هذا المستوى مع ارتفاع في التداول، قد تظهر إشارة فنية صاعدة.
ولو كان سهم ب قريبًا من مستوى دعم ثم كسره، قد تظهر إشارة فنية هابطة.
هذه الإشارات تساعدك تفهم حركة السهم، لكنها لا تعتبر قرار شراء أو بيع بحد ذاتها.
كيف أستخدم مساعد الذكاء الاصطناعي؟
ضمن التحديث الجديد، يساعدك مساعد الذكاء الاصطناعي في فهم التحليلات والمؤشرات داخل صفحة السهم بطريقة أبسط.
عند تصفح التحليلات، يقدّم لك المساعد شرحًا أوضح لبعض المؤشرات، مثل الاتجاهات، المتوسطات المتحركة، وإشارات الأداء، حتى تفهم ماذا تعني ضمن الصورة العامة للسهم.
بهذا الشكل، تقدر تقرأ التحليل بسرعة أكبر، وتفهم دلالة المؤشرات بدون تعقيد، قبل اتخاذ قرارك الاستثماري.
الزبــــــــــــــدة
التحديث الجديد يخلّي متابعة السوق أسهل من داخل تطبيق دراية.
تقدر تتابع الأخبار، تشوف تحليلات للسوق السعودي والأمريكي، تقارن بين الأسهم، وتفهم المؤشرات بطريقة أبسط مع مساعد الذكاء الاصطناعي.
كلها أدوات تساعدك تشوف الصورة أوضح، وتتابع أهدافك الاستثمارية بخطوات أذكى.
عندك سؤال؟
أبد ما طلبت شيء!
تقدر تتواصل مباشرة مع مدير العلاقة المخصص لك، وتلقى تفاصيل التواصل في حسابك داخل التطبيق.
حدّث تطبيق دراية الآن.
